Baie mense sê altyd: “Ek het van die bus afgeval.”
Maar by Koebaai Vetnoi klim jy nie terug op ’n bus nie — jy klim op ’n skip.

En as jy oorboord val?
Dan wag Jesus nie op die kantlyn nie.
Hy stap saam met jou op die water.

​

By Koebaai Vetnoi meet ons nie sukses net in kilos nie.
Ons vier:

• volhou

• weer opstaan

• eerlik wees

• hulp vra

​

Of jy 1 kg of 50 kg wil verloor — jou reis tel hier.

Hier hoef jy nie voor te gee dat jy sterk is nie.
Jy mag net wees.

​

🤍 Hoekom die naam Koebaai Vetnoi?

Omdat dit nie gaan oor selfhaat nie, maar oor ligter leef — in liggaam én hart. 

“Koebaai” sê ons nie vir onsself nie, maar vir die skuld, die skaamte
en die onmoontlike standaarde.

 

🌊 Vandag

Vandag is Koebaai Vetnoi ’n groeiende gemeenskap van vroue
wat saam leer, struikel, lag en wen.

Dis nie ’n eindbestemming nie.
Dit is ’n reis.

En jy hoef dit nie alleen te doen nie. 🤍⚓