Vuil skottelgoed
Ek gaan nou eerlik wees vanaand. En daar gaan dalk n boere tannie nou die post lees en sê nee magtag Talita. Maar hier is die heilige waarheid.
EK HAAT SKOTTELGOED WAS
Met n passie. Soms los ek dat dit ophoop tot ek nou nie meer n glas of beker het nie dan moet ek noodgedwone die berg skottelgoed aanpak en was.
Ok ok dis darem ook nou nie herltemal so erg nie maar ons het vir olwethu wat elke tweede dag die huis kom skoonmaak.
Maar ai dis as mens dood moeg by die huis aankom en die hele dag lank kinders en vrouens berading gedoen het en dan stap jy in die huis en en BAM n bergie skottelgoed wat jou so aangluur asof jy n macdonalds cheeseburger is.
Ek leef al lankal met my donker geheim van die skottelgoed saam, net my man en my vriendinne weet al, as ek sê as jy kom kuier bestel ek seatle koffie dan weet hulle moenie eens waag in die kombuis ingaan nie.
En toe eendag gesels ek en Sarah Lee my vriendin in KZN sy vertel my sy is besig om huis skoon te maak en hoe sy dit geniet.
Ek dog eers ok die girl is die klits kwyt want wie hou nou so baie van huis skoonmaak en wat ek dink borrel toe per abuis uit my mond uit.
Sarah vertel my toe dat die Duiwel floreer in n vuil huis. Al is dit ook net die skottelgoed wat ophoop. Want dit bly nie net by die skottelgoed nie doen dit?
En nadat ek so week daaroor gaan dink het besef ek sy is reg. Want as ek by die huis kom en die kombuis is skoon en netjies as olwethu hier was dan is dit asof mens sommer positief en gelukkig is. Maar laat daai berg skottelgoed ophoop en jy voel teneergedruk en moedeloos en sommer depresief en jy stel dit uit want wie wil nou skottelgoed was.
Net daar besluit ek 2 uur in die oggend wel ek gaan dit doen. Ek gaan daai kombuis nou tackle en skoonmaak en klaar kry. En van toe af is die kombuis skoon elke aand.
My ma sê mos as iets gebeur in die middel van die nag en mense moet in jou huis inkom moet dit darem skoon wees... jy kan arm wees maar jy kan netjies wees dit maak n verskil.
Soms is dit die moeite werd om net vas te byt en die take wat jy die meeste haat onmiddelik aan te pak.
Elke keer as jy met jou ma of pa baklei hoop daar n bord of beker in jou siel wasbak op. Elke keer as jy stry kry in jou siel met iemand en jy weier om te vergewe dan hoop daar nog n klomp borde messe en vurke in jou siels wasbak op. Nes die duiwel daarvan hou.
Want hy weet hoe langer hy jou laat sleg voel oor die skottelgoed in jou lewe hoe meer sal jy negatief wees en n negatiewe mens kan nie haar lig laat skyn vir ander nie want sy is te besig om daai berg skottelgoed te bou en op n stadium gaan daai vrot reuk van die vuil skottelgoed in elke hoekie van jou menswees insyfer en alles gaan uitmekaar val...
Maak n lysie van almal wat jou so omkrap en laat voel of jy hulle wil verwoes soos Steve Hofmeyr met n Dstv skottel doen. Dan begin jy bo aan jou lysie en bid vir hulle. Bid dat God jou help om daai skottelgoed in jou siel skoon te maak. Laat Hy aan jou openbaar oor n tydperk wie almal op jou gebeds lys moet kom. En dan bid jy vir hulle vir oorvloed vir liefde voorspoed en vrede. En vergewe hulle in Jesus naam.
Doen dit tot al jou skottelgoed gewas is met die liefde van Jesus. Afgedroog is in God se genade en weggepak word verewig en dan dink jy nie eens weer daaroor nie.
Laastens maak jy vir jou n koppie koffie gooi jou voete op jou rusbank skakel in op Sielskos en Geniet Sielskos se laataand lofprysing videos op ons watchparty wat ons elke aand 9 uur hou
... Want al die DSTV skottels is nou stukkend :).
Wees geseend!
Talita
PS: ek gaan nou skottelgoed was en my subskripsie By DSTV kanselleer!