Bubbles!

My man het homself byna disniss gewerk die naweek. Sondag middag sit ek my voet neer en se dis tyd om te gaan rus. Ons drie le op die bed en binne oomblikke is Lukas aan die slaap.

Dis toe Karliq besluit dis nou die tyd om die bed te verander in 'n jungle gym! sy bons n spring dat die headboard eintlik lyk of hy gaan intuimel op ons. Hoe meer ek raas hoe meer is sy aan die gang.

My pa noem haar nie verniet sy klein rooimiertjie nie. Ek sug. Ek staan op en besluit okay. Laat ek maar 'n draai gaan ry met haar. Ons gryp een van daai speelgoed trollies by spar en stap die rakke deur. Ek ontmoet een van die dames wat my volg op facebook met helder rooi hare en so groot vriendelike oop gesig tussen die rakke.

Kort voor lank het ons die hele winkel deur gestap en ons het vir my 'n luukse handeroom gekry vir onder R50.00 Karliq het 'n sjokolade en sy is al glimlaggend en bonsend weer in die motor, Ek ry so op en af deur die strate en sien 'n karwas. Ek trek in en besef die is die eerte keer dat Karliq in die motor is terwyl hy gewas word.

Die mans spyt die motor af en raak aan die werk. Ek betaal R40 vir 'n wash and go. Karliq vergaap haarself aan die mense wat die kar was en skree " mamma kyk die bubbles!"

Haar opgewondenheid is aansteeklik en die mans wat die kar was glimlag groot oor haar kinderlike onskuld.

Terwyl karliq so loer na die skuim op die venster besef ek meteens dat ons so baie dinge vanselfsprekend aanneem.

Die mense wat die motor was op die huidige stadium ken ons nie. Dis bloot 'n diens net nog 'n transaksie. Ek kyk na die swart gesig wat glimlaggend die water spuit op die venster. Ek wonder wat is sy drome sy ideale en of hy dit ooit sal kan bereik.

Ek sit in my motor en dink. Hoeveel van ons het die geleentheid om werklik ons volle potensiaal te kan bereik maar ons maak verskonings elke dag.

Ek glo nie Jesus is al klaar met jou nie. Maak nie saak hoe oud jy is of hoe ryk of arm jy is nie. Solank as wat jy asem haal is daar hoop vir jou drome.

Hier is 'n groep mans wat my kar was. Hulle doen iets spaar miskien vir iets. Ek en jy wat nou hier lees is geseen met soveel meer op elke vlak.

Wat doen jy om jou drome waar te laat word? Of het jy lui geword, op gegee omdat dit nie maklik is nie.

Niks is maklik nie en soms verg dit dat jy al die vuilgoed moet afwas van jou lewe om dit te kan laat blink.

Moenie toelaat dat jou lewe soos 'n vuil kar rondry op die pad na die dood nie.

Jy haal nog asem. Doen watookal jy moet om jou drome te kry, werk aan jou roeping. Dit gaan nie maklik wees nie maar dis moontlik en dit sal die moeite werd wees.

En dan as jy in die middel van jou "karwas" proses is op die pad na 'n skoner gelukkiger lewe. Moenie vergeet om soos Karliq die bubbles en water te geniet nie.

Dis die klein dingetjies wat saak maak. Laat elke oomblik tel.

Geniet jou bubble tyd.

Talita